فصل و اول كناهلركه واجب القتلدر انلرك تفتيشيچون خاقان بالذات ييلده برك ديوان ايدوب اول خونيلرى اونرا و نر جلادلر اللرينى طوته رق حضوه كتوررلر و مرقوملر كناهلرينه اعتراف ايدرلر انكاره اصلامجاللرى يوقدر اولجهتدنكه اهل چينك جهلاسى خاقانه غايت تعظيم و تكريملرندن حاشا خدادر ديو اعتقاد ايدرلر و خاقانك ظاهرا بو حاله رضاسى يوقدر زيرا كندوسنى خداپرست ملاحظه ايدر اما كفرهء خطا ديرلر كه بزه كورنمزا و چيوزتكرى واردر و حالا كه بريسى كورينور خاقاندر و اول اوچيوزى خلق ايدن بر خدادر كه اللهدر اول سببدندر كه اهل خطادن قاتللر و سائر كنهكارلر ايتدكلرى جرمه خاقانك معلوميدر ديوانكار ايده مزلر و خداوندكارلرى بو امور سياستى ملكه انفعدر ديو سكوت ايدر و اهل جنحه‌نك انكاره مجاللرى اولمديغنك بر سببى دخى بودر كه اون‌ايكى ديوانده محاكمه ده اوج ييله دكين هر ايده بر حاللرى و اقرارلرى خاقانه عرض اولمغله انكار ايده مزلر خصوصا خونيلر ايچون ييلده بركره خاقان ديوان ايدوب اعترافلرى اوزره خطلرينه قلم سرخ ايله علامت‌ايدر و اوج ييل تمامنده مزبورلرك قتللرينه حكم ايدر و نيجه بيك جمع اولنان قاتللرك باشلرينه قزل علملر ايله علامتلر ايدرك كروه كروه سراى خاقاندن چقاروب قتلكاهلرينه كتوروب قتل ايدرلر و اهل چين كندولرينى علم رياضتده ساهر طونوب تقويملرنده قتال و قحط عظيم واقع اولور ديو بويله تدارك ايدرلر كه و مصنف ايدر تاريخ هجرتك طقوزيوز ايكنجى سنه سى بز اول ولايتده اولوب ممالك چينك روشنكيسى نام قسمنده عظيم قحط و بيحد خلق تلف اولدى بعد ازان حكمت اوزره بر علاج ايتمكيچون اولزمانده اولان حكمت شناسان و عقلا و فضلا جمع اولوب رأيلرى بونك اوزرينه مقرر اولديكه قتللرى واجب اولنلرى كوندز قتل ايتميوب كيجه هلاك ايده‌لر بعده تمام ملك چينده بركيجه ده حد و عددن افزون نيجه يوزبيك ادمى درلو درلو شكللر ايله قتل ايلديلر خصوصا خانبالغده بر جمعك اعضالرينى بندبند ايرديلر و بر فرقه‌نك بيونلرين اوروب و بر جماعتك اللرين و اياقلرين كسوب و بعضيلرنيك دريلرين يوزوب و كمينك بوغازندن اصوب و كمن چنكاله اوروب و كمنى پاره‌پاره ايليوب و كمنى سرنكون اصوب و الحاصل هر برينى بر سياستله قتل ايليوب